ਟਾਂਡਾ / ਦਸੂਹਾ (ਚੌਧਰੀ) 

1 ਮਾਰਚ : 8 ਕਿਲੋ 900 ਗ੍ਰਾਮ ਸਾਬਤ ਡੋਡੇ (ਫੁੱਲ)ਸਮੇਤ ਇੱਕ ਵਿਅਕਤੀ ਨੂੰ ਟਾਂਡਾ ਪੁਲਿਸ ਨੇ ਕਾਬੂ ਕੀਤਾ ਹੈ ।

ਪੁਲਿਸ ਐਫ ਆਈ ਆਰ ਮੁਤਾਬਿਕ ਏ ਐਸ ਆਈ ਮਹਿੰਦਰ ਸਿੰਘ ਸਮੇਤ ਪੁਲਿਸ ਪਾਰਟੀ ਬਰਾਏ ਕਰਨੇ ਚੈਕਿੰਗ ਸ਼ੱਕੀ ਅਤੇ ਭੈੜੇ ਪੁਰਸ਼ਾ ਦੇ ਸਬੰਧ ਵਿਚ ਬਰਾਏ ਨਾਕਾ ਬੰਦੀ ਜਾਜਾ ਚੋਂਕ ਮੌਜੂਦ ਸੀ ਜਿਥੇ ਮੁਖਬਰ ਖਾਸ ਨੇ ਇਤਲਾਹ ਦਿਤੀ ਕਿ ਥੋੜੂ ਰਾਮ ਪੁੱਤਰ ਚੂੰਨੀ ਲਾਲ ਵਾਸੀ ਜਾਜਾ ਜੋ ਸਸਤੇ ਭਾਅ ਨਸ਼ਾ ਲਿਆ ਕਿ ਮਹਿੰਗੇ ਭਾਅ ਗਾਹਕਾਂ ਨੂੰ ਵੇਚਦਾ ਹੈ । ਰੇਡ ਕੀਤਾ ਜਾਵੇ ਤਾਂ ਭਾਰੀ ਮਾਤਰਾ ਵਿੱਚ ਡੋਡੇ ਚੁਰਾ ਪੋਸਤ ਸਮੇਤ ਕਾਬੂ ਆ ਸਕਦਾ ਹੈ, ਜੋ ਮੁਖਬਰ ਖਾਸ ਵਲੋ ਦੱਸੀ ਜਗਾ ਤੇ ਉਸਦੇ ਘਰ ਰੇਡ ਕੀਤਾ। ਜਿਥੇ ਇਕ ਮੋਨਾ ਵਿਅਕਤੀ ਪੁਲਿਸ ਪਾਰਟੀ ਨੂੰ ਦੇਖ ਕੇ ਖਿਸਕਣ ਲਗਾ ।ਜਿਸ ਨੂੰ ਸਾਥੀ ਕਰਮਚਾਰੀਆਂ ਦੀ ਮਦਦ ਨਾਲ ਕਾਬੂ ਕਰਕੇ ਨਾਮ ਪਤਾ ਪੁੱਛਿਆ। ਜਿਸ ਨੇ ਆਪਣਾ ਨਾਮ ਥੋੜੂ ਰਾਮ ਪੁੱਤਰ ਚੂੰਨੀ ਲਾਲ ਵਾਸੀ ਜਾਜਾ ਦਸਿਆ ।ਉਸ ਦੇ ਘਰ ਦੀ ਤਲਾਸ਼ੀ ਦੌਰਾਨ ਉਸਦੇ ਕਮਰੇ ਦੇ ਬੈਡ ਵਿੱਚੋਂ ਇਕ ਵਜਨਦਾਰ ਕਾਲੇ ਰੰਗ ਦਾ ਬੈਗ ਬ੍ਰਾਮਦ ਹੋਇਆ। ਜਿਸਨੂੰ ਚੈਕ ਕਰਨ ਤੇ ਉਸ ਵਿਚੋ 8 ਕਿਲੋ 900 ਗ੍ਰਾਮ ਸਾਬਤ ਡੋਡੇ (ਫੁੱਲ) ਬ੍ਰਾਮਦ ਹੋਏ । ਜਿਸ ਤੇ ਮੁਕਦਮਾ ਦਰਜ ਕੀਤਾ ਗਿਆ।