ਗੜਦੀਵਾਲਾ 18 ਜੂਨ (ਚੌਧਰੀ)

ਮਨਜੀਤ ਫਰੂਟ ਨਰਸਰੀ ਦਾ ਇੱਕੋ ਨਾਅਰਾ ਰੁੱਖ ਲਗਾਓ, ਹਰਿਆਲੀ ਲਿਆਓ,ਪਾਣੀ ਬਚਾਓ : ਮਨਜੀਤ ਸਿੰਘ / ਨਵਦੀਪ ਸਿੰਘ ਦੀਪਾ 

: ਮਨਜੀਤ ਫਰੂਟ ਨਰਸਰੀ ਅੱਡਾ ਧੂਤਕਲਾ ,ਢੋਲਵਾਹਾ ਰੋਡ (ਦੌਲਤਪੁਰ ਗਿੱਲ )ਵਿਖੇ ਹਰ ਸਾਲ ਦੀ ਤਰ੍ਹਾਂ ਬੂਟਿਆਂ ਦਾ ਲੰਗਰ ਲਗਾਇਆ ਗਿਆ। ਇਸ ਬੂਟਿਆਂ ਦੇ ਲੰਗਰ ਵਿੱਚ ਲਗਭਗ 5000 ਬੂਟੇ ਲੋਕਾਂ ਵਿੱਚ ਵੰਡੇ ਗਏ। ਵਾਤਾਵਰਨ ਨੂੰ ਆਉਂਦੀਆਂ ਪੀੜੀਆਂ ਲਈ ਬਚਾਉਣ ਦਾ ਇੱਕੋ ਇੱਕ ਇਹ ਰਾਹ ਹੈ ਕਿ ਹਰ ਆਦਮੀ ਇੱਕ ਰੁੱਖ ਲਗਾਵੇ।ਪੱਤਰਕਾਰਾਂ ਨਾਲ ਰੂਬਰੂ ਹੁੰਦਿਆਂ ਨਰਸਰੀ ਦੇ ਸੰਚਾਲਕ ਮਨਜੀਤ ਸਿੰਘ ,ਐਨਜੀਓ ਤੇ ਪ੍ਰਧਾਨ ਨਵਦੀਪ ਸਿੰਘ ਨੇ ਕਿਹਾ ਕਿ ਆਉਣ ਵਾਲਾ ਸਮਾਂ ਬਹੁਤ ਘਾਤਕ ਹੈ। ਅਸੀਂ ਆਪਣੇ ਕੁਦਰਤੀ  ਵਾਤਾਵਰਨ ਨੂੰ ਵਿਗਾੜਨ ਲਈ ਅਸੀ ਖੁਦ ਜਿੰਮੇਵਾਰ ਹਾਂ। ਅਸੀਂ ਆਪਣੇ ਲਾਲਚ ਲਈ ਜੰਗਲ ਨਸ਼ਟ ਕਰ ਦਿੱਤੇ,ਇਸ ਕਰਕੇ ਜੰਗਲਾਂ ਚ ਜਾਨਵਰਾਂ ਤੇ ਪੰਛੀਆਂ ਲਈ ਵੱਡੀਆਂ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਉਹਨਾਂ ਕਿਹਾ ਕਿ ਪਾਣੀ ਦਾ ਪੱਧਰ ਬਹੁਤ ਨੀਵਾਂ ਜਾ ਰਿਹਾ ਹੈ ਇਹਨਾਂ ਸਮੱਸਿਆ ਲਈ ਅਸੀਂ ਖੁਦ ਜਿੰਮੇਵਾਰ ਹਾਂ। ਉਹਨਾਂ ਅੱਗੇ ਕਿਹਾ ਆਓ ਰੱਲ ਕੇ ਪ੍ਰਣ ਕਰੀਏ ਆਉਂਦੇ ਸਮੇਂ ਨੂੰ ਚੰਗਾ ਬਣਾਉਣ ਲਈ ਹਰ ਬੰਦਾ ਰੁੱਖ ਲਗਾਵੇ ਤੇ ਸਮਾਜ ਵਿੱਚ ਚੰਗੇ ਨਾਗਰਿਕ ਅਖਵਾਉਣ ਦਾ ਪ੍ਰਣ ਕਰੀਏ ।ਅੱਜ ਇੱਥੇ ਠੰਡੇ ਮਿੱਠੇ ਜਲ ਦੀ ਛਬੀਲ ਲਗਾਈ ਗਈ ।ਇਸ ਮੌਕੇ ਗੁਰੂ ਕਾ ਲੰਗਰ ਅਟੁੱਟ ਚਲਿਆ ,ਅਤੇ ਬੂਟਿਆਂ ਦਾ ਲੰਗਰ ਵੀ ਸ਼ਾਮ ਤੱਕ ਚੱਲਦਾ ਰਿਹਾ ।ਅੱਜ ਇਸ ਮੌਕੇ ਮਨਜੀਤ ਫਰੂਟ ਨਰਸਰੀ ਦੇ ਸੰਚਾਲਕ ਮਨਜੀਤ ਸਿੰਘ, ਨਵਦੀਪ ਸਿੰਘ, ਬਾਬਾ ਦੀਪ ਸਿੰਘ ਸੇਵਾ ਦਲ ਅਤੇ ਵੈਲਫੇਅਰ ਸੋਸਾਇਟੀ ਗੜਦੀਵਾਲਾ ਦੇ ਮੁੱਖ ਸੇਵਾਦਾਰ ਮਨਜੋਤ ਸਿੰਘ ਤਲਵੰਡੀ, ਜਸਪਾਲ ਸਿੰਘ ਪੰਡੋਰੀ, ਗੁਰਵੀਰ ਸਿੰਘ ਚੌਟਾਲਾ ,ਟਿੰਮੀ ਸ਼ਾਹੀ ਭੁੰਗਾ, ਜਸਵੀਰ ਸਿੰਘ ਮੱਲੇਵਾਲ , ਪ੍ਰਹਲਾਦ ਕਨੌਰੀਆ ਗੱਜ, ਰਿੰਪੀ ਸੋਨੂ ਪੰਡਿਤ, ਅਮਨਦੀਪ ਸਿੰਘ, ਗੁਰਪ੍ਰੀਤ ਸਿੰਘ ਰਸਪਾਲ ਸਿੰਘ ਹਰਜਿੰਦਰ ਸਿੰਘ ਡਾਕਟਰ ਹਰਲੀਨ ਸਿੰਘ ਆਦ ਹਾਜ਼ਰ ਸਨ।