ਮਾਹਿਲਪੁਰ / ਹੁਸ਼ਿਆਰਪੁਰ (PPT NEWS)
28 ਜਨਵਰੀ : 4 ਕਿਲੋ 100 ਗ੍ਰਾਮ ਡੋਡੋ( ਚੂਰਾ ਪੋਸਤ) ਸਮੇਤ ਇੱਕ ਵਿਅਕਤੀ ਨੂੰ ਮਾਹਿਲਪੁਰ ਪੁਲਿਸ ਨੇ ਕਾਬੂ ਕੀਤਾ ਹੈ। ਮੁਲਜ਼ਮ ਦੀ ਪਛਾਣ ਜਗਦੀਸ਼ ਸਿੰਘ ਉਰਫ ਬਾਵਾ ਛੜਾ ਪੁੱਤਰ ਲੇਟ ਚੰਨਣ ਸਿੰਘ ਵਾਸੀ ਬਿੰਜੋ ਥਾਣਾ ਮਾਹਿਲਪੁਰ ਜਿਲ੍ਹਾ ਹੁਸ਼ਿਆਰਪੁਰ ਵਜੋਂ ਹੋਈ ਹੈ।
ਪੁਲਿਸ ਐਫ ਆਈ ਆਰ ਮੁਤਾਬਿਕ ਐਸ ਆਈ ਬਲਜਿੰਦਰ ਸਿੰਘ ਸਮੇਤ ਪੁਲਿਸ ਪਾਰਟੀ ਦੇ ਬਾ ਸਵਾਰੀ ਪ੍ਰਾਈਵੇਟ ਗੱਡੀ ਬਰਾਏ ਆਮ ਆਦਮੀ ਕਲੀਨਿਕ ਖੋਲ੍ਹਣ ਦੀ ਡਿਊਟੀ ਦੇ ਸੰਬੰਧ ਵਿੱਚ ਪਿੰਡ ਬਿੰਜੋ ਡਿਸਪੈਸਰੀ ਮੌਜੂਦ ਸੀ ਕਿ ਮੁਖਬਰ ਖਾਸ ਨੇ ਐਸ ਆਈ ਬਲਜਿੰਦਰ ਸਿੰਘ ਪਾਸ ਹਾਜਰ ਆ ਕੇ ਇਤਲਾਹ ਦਿੱਤੀ ਕਿ ਜਗਦੀਸ਼ ਸਿੰਘ ਉਰਫ ਬਾਵਾ ਛੜਾ ਪੁੱਤਰ ਲੇਟ ਚੰਨਣ ਸਿੰਘ ਵਾਸੀ ਬਿੰਜੋ ਥਾਣਾ ਮਾਹਿਲਪੁਰ ਜਿਲ੍ਹਾ ਹੁਸ਼ਿਆਰਪੁਰ ਜੋ ਕਿ ਡੋਡੇ ਚੂਰਾ ਪੋਸਤ ਦਾ ਧੰਦਾ ਕਰਦਾ ਹੈ ਜੋ ਅੱਜ ਆਪਣੇ ਘਰ ਵਿੱਚ ਹੀ ਬੈਠ ਕੇ ਵੱਖ-2 ਗ੍ਰਾਹਕਾਂ ਨੂੰ ਡੋਡੇ ਚੂਰਾ ਪੋਸਤ ਨੂੰ ਪੁੜੀਆਂ ਵਿੱਚ ਪਾ ਕੇ ਵੇਚ ਰਿਹਾ ਹੈ। ਜਿਸ ਤੇ ਜਗਦੀਸ਼ ਸਿੰਘ ਉਕਤ ਦੇ ਘਰ ਰੇਡ ਕਰਕੇ ਉਸ ਪਾਸੋਂ ਕੁੱਲ 4 ਕਿਲੋ 100 ਗ੍ਰਾਮ ਚੂਰਾ ਪੋਸਤ ਬਰਾਮਦ ਕੀਤਾ ਗਿਆ।ਜਿਸ ਤੇ ਮੁੱਕਦਮਾ ਦਰਜ ਕੀਤਾ ਗਿਆ।
