ਮਾਹਿਲਪੁਰ (PPT NEWS)
4 ਜਨਵਰੀ : ਪੰਜਾਬ ਸਰਕਾਰ ਦੀਆਂ ਹਦਾਇਤਾਂ ਅਨੁਸਾਰ ਮਾੜੇ ਅਨਸਰਾਂ ਖਿਲਾਫ ਅਤੇ ਨਸ਼ੇ ਵੇਚਣ ਵਾਲਿਆਂ ਨੂੰ ਗ੍ਰਿਫਤਾਰ ਕਰਨ ਸਬੰਧੀ ਸਪੈਸ਼ਲ ਮੁਹਿੰਮ ਸ਼ੁਰੂ ਕੀਤੀ ਗਈ ਹੈ।ਜਿਸ ਅਧੀਨ ਸਰਤਾਜ ਸਿੰਘ ਚਾਹਲ IPS ਸੀਨੀਅਰ ਪੁਲਿਸ ਕਪਤਾਨ ਹੁਸ਼ਿਆਰਪੁਰ ਵੱਲੋ ਦਿੱਤੇ ਦਿਸ਼ਾ ਨਿਰਦੇਸ਼ਾਂ ਦੀ ਰਹਿਨੁਮਾਈ ਹੇਠ ਇਸ ਮੁਹਿੰਮ ਨੂੰ ਅੱਗੇ ਵਧਾਉਦੇ ਹੋਏ ਦਲਜੀਤ ਸਿੰਘ ਖੱਖ DSP ਗੜਸ਼ੰਕਰ ਦੇ ਨਿਰਦੇਸ਼ਾਂ ਅਨੁਸਾਰ ਜਸਵੰਤ ਸਿੰਘ ਮੁੱਖ ਅਫਸਰ ਥਾਣਾ ਮਾਹਿਲਪੁਰ ਦੀ ਹਦਾਇਤ ਤੇ ਮਿਤੀ 03.02.2023 ਨੂੰ ਬਲਜਿੰਦਰ ਸਿੰਘ (IC/PP ਕੋਟ ਫਤੂਹੀ ਸਮੇਤ ਪਾਰਟੀ ਬਰਾਏ ਨਾਕਾ ਬੰਦੀ ਕਨਾਲ ਪੁਲ ਕੋਟ ਫਤੂਹੀ ਦੌਰਾਨੇ ਨਾਕਾ ਬੰਦੀ ਦੋ ਨੌਜਵਾਨ ਮੋਟਰ ਸਾਈਕਲ ਨੰਬਰੀ ਪੀ.ਬੀ-08-ਬੀ.ਪੀ-9028 ਮਾਰਕਾ ਡਿਸਕਵਰ ਪਰ ਸਵਾਰ ਹੋ ਕੇ ਆਏ ਜੋ ਸਾਹਮਣੇ ਪੁਲਿਸ ਪਾਰਟੀ ਨੂੰ ਦੇਖ ਕੇ ਯਕਦਮ ਮੁੜਨ ਲੱਗੇ। ਜਿਹਨਾਂ ਦੇ ਨਾਮ ਕਰਨਜੀਤ ਸਿੰਘ ਉਰਫ ਬੋਬੀ ਪੁੱਤਰ ਸੁਰਿੰਦਰ ਸਿੰਘ ਅਤੇ ਅਨੁਜ ਕੁਮਾਰ ਉਰਫ ਮੋਹਿਤ ਪੁੱਤਰ ਰਜਿੰਦਰ ਸਿੰਘ ਵਾਸੀਆਨ ਬਾਬਾ ਬੁੱਢਾ ਨਗਰ ਦਕੋਹਾ ਰੋੜ ਥਾਣਾ ਰਾਮਾਮੰਡੀ ਜਿਲਾ ਜਲੰਧਰ ਹਨ, ਪਾਸੇ 05 ਗ੍ਰਾਮ ਹੈਰੋਇਨ,250 ਨਸ਼ੀਲੀਆਂ ਗੋਲੀਆਂ ਬਿੰਨਾ ਲੇਬਲ,ਇੱਕ ਡੀਜੀਟਲ ਕੰਡਾ, 5500/- ਰੁ ਡਰੱਗ ਮਨੀ ਬ੍ਰਾਮਦ ਹੋਣ ਤੇ ਮੁੱਕਦਮਾ ਨੰਬਰ 22 ਮਿਤੀ 03.02.2023 ਅਧ 21/22 NDPS ACT ਥਾਣਾ ਮਾਹਿਲਪੁਰ ਦਰਜ ਰਜਿਸਟਰ ਕਰਕੇ ਤਫਤੀਸ਼ ਕੀਤੀ ਜਾ ਰਹੀ ਹੈ ਕਿ ਉਹ ਇਹ ਨਸ਼ੀਲਾ ਪਦਾਰਥ ਕਿਸ ਪਾਸੋਂ ਹਾਸਿਲ ਕਰਕੇ ਅੱਗੇ ਕਿਸ ਕਿਸ ਨੂੰ ਵੇਚਦੇ ਸਨ। ਦੌਰਾਨੇ ਤਫਤੀਸ਼ ਪਾਇਆ ਗਿਆ ਕਿ ਇਹਨਾਂ ਦੇ ਖਿਲਾਫ ਵੱਖ ਵੱਖ ਥਾਣਿਆਂ ਵਿੱਚ ਪਹਿਲਾ ਵੀ ਮੁੱਕਦਮੇ ਦਰਜ ਰਜਿਸਟਰ ਹਨ। ਜਿਹਨਾਂ ਨੂੰ ਪੇਸ਼ ਅਦਾਲਤ ਕਰਕੇ ਰਿਮਾਂਡ ਹਾਸਿਲ ਕੀਤਾ ਜਾ ਰਿਹਾ ਹੈ।
