ਗੁਰਦਾਸਪੁਰ(ਅਸ਼ਵਨੀ)

26 ਦਸੰਬਰ – ਪੁਲਿਸ ਜਿਲ੍ਹਾ ਗੁਰਦਾਸਪੁਰ ਅਧੀਨ ਪੈਂਦੇ ਵੱਖ-ਵੱਖ ਪੁਲਿਸ ਸਟੇਸ਼ਨਾ ਅਧੀਨ ਪੈਂਦੇ ਇਲਾਕਿਆ ਵਿੱਚ ਵਾਪਰੇ ਸੜਕੀ ਹਾਦਸਿਆਂ ਵਿੱਚ ਇਕ ਦੀ ਮੋਤ ਅਤੇ ਇਕ ਜਖਮੀ ਹੋ ਗਿਆ ।

ਪੁਲਿਸ ਸਟੇਸ਼ਨ ਕਲਾਨੋਰ ਅਧੀਨ ਗੁਰਦਾਸਪੁਰ-ਭਾਗੋਵਾਲ ਸੜਕ ਉੱਪਰ ਟਰੈਕਟਰ ਟ੍ਰਾਲੀ ਅਤੇ ਮੋਟਰ-ਸਾਈਕਲ ਦੀ ਟੱਕਰ ਹੋ ਜਾਣ ਕਾਰਨ ਮੋਟਰਸਾਈਕਲ ਚਾਲਕ ਦੀ ਮੋਤ ਹੋ ਗਈ । ਅਮਰੀਕ ਸਿੰਘ ਪੁੱਤਰ ਕੁੰਨਣ ਸਿੰਘ ਵਾਸੀ ਭਾਗੋਵਾਲ ਨੇ ਪੁਲਿਸ ਨੂੰ ਦਰਜ ਕਰਵਾਏ ਬਿਆਨ ਰਾਹੀ ਦੱਸਿਆ ਕਿ ਉਸ ਦਾ ਭਾਣਜਾ ਕੁਲਵਿੰਦਰ ਸਿੰਘ ਪੁੱਤਰ ਅਮਰ ਸਿੰਘ ਵਾਸੀ ਭਾਗੋਵਾਲ ਬੀਤ ਦਿਨ ਮੋਟਰਸਾਈਕਲ ਨੰਬਰ ਪੀ ਬੀ 18 ਐਕਸ 8042 ਤੇ ਸਵਾਰ ਹੋ ਕੇ ਆਪਣੀ ਮਾਤਾ ਦੀ ਦਵਾਈ ਲੈ ਕੇ ਗੁਰਦਾਸਪੁਰ ਤੋਂ ਆਪਣੇ ਪਿੰਡ ਵਾਪਿਸ ਆ ਰਿਹਾ ਸੀ ਜਦੋਂ ਉਹ ਕਰੀਬ 6.50 ਵਜੇ ਬਟਾਲਾ ਰੋਡ ਪੰਜਾਬ ਐਂਡ ਸਿੰਧ ਬੈਂਕ ਨੇੜੇ ਪੁੱਜਾਂ ਤਾਂ ਬਟਾਲਾ ਸਾਈਡ ਤੋਂ ਆਈ ਇਕ ਟਰੈਕਟਰ ਟ੍ਰਾਲੀ ਜਿਸ ਨੂੰ ਕੋਈ ਨਾਮਾਲੂਮ ਚਾਲਕ ਚਲਾ ਰਿਹਾ ਸੀ ਨੇ ਉਸ ਦੇ ਭਾਣਜੇ ਦੇ ਮੋਟਰਸਾਈਕਲ ਵਿੱਚ ਟੱਕਰ ਮਾਰ ਦਿੱਤੀ ਜਿਸ ਕਾਰਨ ਉਸ ਦੇ ਭਾਣਜੇ ਦੀ ਮੋਤ ਹੋ ਗਈ । ਟਰੈਕਟਰ ਚਾਲਕ ਮੋਕਾ ਤੋ ਫ਼ਰਾਰ ਹੋ ਗਿਆ । ਸਹਾਇਕ ਸਬ ਇੰਸਪੈਕਟਰ ਸਵਿੰਦਰ ਪਾਲ ਨੇ ਦੱਸਿਆ ਕਿ ਅਮਰੀਕ ਸਿੰਘ ਦੇ ਬਿਆਨ ਤੇ ਨਾਮਾਲੂਮ ਟਰੈਕਟਰ ਚਾਲਕ ਵਿਰੁੱਧ ਮਾਮਲਾ ਦਰਜ ਕਰਕੇ ਅੱਗੇ ਕਾਰਵਾਈ ਕੀਤੀ ਜਾ ਰਹੀ ਹੈ ।
ਪੁਲਿਸ ਸਟੇਸ਼ਨ ਦੀਨਾ ਨਗਰ ਅਧੀਨ ਪੈਂਦੇ ਦੀਨਾ ਨਗਰ ਵਿਖੇ ਰਾਇਲ ਇੰਨ ਫੀਲਡ ਮੋਟਰ-ਸਾਈਕਲ ੲਜੈਂਸੀ ਸਾਹਮਣੇ ਇਨੋਵਾ ਅਤੇ ਮੋਟਰ-ਸਾਈਕਲ ਦੀ ਟੱਕਰ ਹੋ ਜਾਣ ਕਾਰਨ ਮੋਟਰਸਾਈਕਲ ਚਾਲਕ ਜਖਮੀ ਹੋ ਗਿਆ । ਜਗਦੇਵ ਸਿੰਘ ਪੁੱਤਰ ਤਰਸੇਮ ਸਿੰਘ ਵਾਸੀ ਪਿੰਡ ਨਿਮਾਣੇ ਨੇ ਪੁਲਿਸ ਨੂੰ ਦਰਜ ਕਰਵਾਏ ਬਿਆਨ ਰਾਹੀ ਦੱਸਿਆ ਕਿ ਉਹ ਫੋਜ ਵਿੱਚ ਨੋਕਰੀ ਕਰਦਾ ਹੈ ਤੇ ਇਕ ਮਹੀਨੇ ਦੀ ਛੂਟੀ ਆਇਆ ਹੋਇਆ ਹੈ । ਬੀਤ ਦਿਨ ਉਹ ਆਪਣੇ ਮੋਟਰਸਾਈਕਲ ਨੰਬਰ ਪੀ ਬੀ 18 ਐਕਸ 8042 ਤੇ ਸਵਾਰ ਹੋ ਕੇ ਆਪਣੇ ਦੋਸਤ ਨੂੰ ਮਿਲਕੇ ਵਾਪਿਸ ਆਪਣੇ ਪਿੰਡ ਆ ਰਿਹਾ ਸੀ ਜਦੋਂ ਉਹ ਕਰੀਬ 5.45 ਵਜੇ ਰਾਇਲ ਇੰਨ ਫੀਲਡ ਏਜੰਸੀ ਦੀਨਾ ਨਗਰ ਨੇੜੇ ਪੁੱਜਾਂ ਤਾਂ ਗੁਰਦਾਸਪੁਰ ਸਾਈਡ ਤੋਂ ਆਈ ਇਕ ਚਿੱਟੇ ਰੰਗ ਦੀ ਇਨੋਵਾ ਕਾਰ ਜਿਸ ਨੂੰ ਕੋਈ ਨਾਮਾਲੂਮ ਚਾਲਕ ਚਲਾ ਰਿਹਾ ਸੀ ਨੇ ਉਸ ਦੇ ਮੋਟਰਸਾਈਕਲ ਵਿੱਚ ਟੱਕਰ ਮਾਰ ਦਿੱਤੀ ਜਿਸ ਕਾਰਨ ਉਸ ਦੇ ਕਾਫ਼ੀ ਸੱਟਾ ਲੱਗੀਆਂ ਹਨ ਤੇ ਮੋਟਰਸਾਈਕਲ ਦਾ ਵੀ ਨੁਕਸਾਨ ਹੋਇਆ ਹੈ । ਸਹਾਇਕ ਸਬ ਇੰਸਪੈਕਟਰ ਨਰੇਸ਼ ਕੁਮਾਰ ਨੇ ਦੱਸਿਆ ਕਿ ਜਗਦੇਵ ਸਿੰਘ ਦੇ ਬਿਆਨ ਤੇ ਨਾਮਾਲੂਮ ਇਨੋਵਾ ਚਾਲਕ ਵਿਰੁੱਧ ਮਾਮਲਾ ਦਰਜ ਕਰਕੇ ਅੱਗੇ ਕਾਰਵਾਈ ਕੀਤੀ ਜਾ ਰਹੀ ਹੈ ।