ਗੜ੍ਹਦੀਵਾਲਾ (ਚੌਧਰੀ) 

19 ਨਵੰਬਰ : ਬੱਚਿਆਂ ਵਿੱਚ ਸਵੈ-ਅਨੁਸ਼ਾਸਨ ਪੈਦਾ ਕਰਨ ਅਤੇ ਉਨ੍ਹਾਂ ਨੂੰ ਸਮਾਜਿਕ ਬਣਾਉਣ ਲਈ ਬਾਲ ਵਾਟਿਕਾ ਸਕੂਲ ਦੇ ਮੈਨੇਜਿੰਗ ਡਾਇਰੈਕਟਰ ਨਰੇਸ਼ ਡਡਵਾਲ, ਡਾਇਰੈਕਟਰ ਮੈਡਮ ਰਿੰਪੀ ਡਡਵਾਲ ਅਤੇ ਸਕੂਲ ਦੇ ਮੁੱਖ ਅਧਿਆਪਕਾ ਮੈਡਮ ਸੁਖਜਿੰਦਰ ਕੌਰ ਦੀ ਦੇਖ- ਰੇਖ ਵਿੱ ਬੱਚਿਆਂ ਨੂੰ ਸ਼ਿਵਾਲਿਕ ਪਹਾੜੀਆਂ ਦੀ ਗੋਦ ਵਿੱਚ ਸਾਹਸੀ ਯਾਤਰਾ ‘ਤੇ ਲਿਜਾਇਆ ਗਿਆ। ਸਾਰੇ ਬੱਚਿਆਂ ਨੇ ਇਸ ਯਾਤਰਾ ਵਿੱਚ ਵੱਧ – ਚੜ੍ਹ ਕੇ ਹਿੱਸਾ ਲਿਆ ਅਤੇ ਬਹੁਤ ਕੁਝ ਸਿੱਖਿਆ। ਬੱਚਿਆਂ ਨੇ ਟ੍ਰੈਕਿੰਗ ਸੂਟ, ਟੋਪੀ, ਸਪੋਰਟਸ ਜੁੱਤੇ ਅਤੇ ਟ੍ਰੈਕਿੰਗ ਸੂਟ ਨਾਲ ਇਸ ਯਾਤਰਾ ਦਾ ਆਨੰਦ ਲਿਆ । ਇਸ ਯਾਤਰਾ ਵਿੱਚ ਬੱਚਿਆਂ ਨੂੰ ਜਲਘਰ, ਸਿੰਚਾਈ, ਜੈਵਿਕ ਵਿਭਿੰਨਤਾ ਅਤੇ ਪਹਾੜੀਆਂ ਬਾਰੇ ਦੱਸਿਆ ਗਿਆ ਅਤੇ ਯਾਤਰਾ ਵੀ ਕਰਵਾਈ ਗਈ । ਯਾਤਰਾ ਵਿੱਚ ਬੱਚਿਆਂ ਨੇ ਟ੍ਰੈਕਿੰਗ ਕੀਤੀ ਅਤੇ ਅੱਗ ਰਹਿਤ ਭੋਜਨ ਬਣਾਇਆ ਅਤੇ ਖੁਦ ਭੋਜਨ ਵੰਡਿਆ। ਬੱਚਿਆਂ ਨੇ ਗਾਣੇ ਆਦਿ ਵੀ ਗਾਏ।ਇਸ ਯਾਤਰਾ ਵਿੱਚ ਬੱਚਿਆਂ ਨੂੰ ਅਨੁਸ਼ਾਸਨ, ਏਕਤਾ, ਵਾਤਾਵਰਣ ਦੀ ਰੱਖਿਆ ਦੀਆਂ ਕਦਰਾਂ ਕੀਮਤਾਂ ਤੋਂ ਜਾਣੂ ਕਰਵਾਇਆ ਗਿਆ। ਬਾਲ ਵਾਟਿਕਾ ਸਕੂਲ ਬੱਚਿਆਂ ਦੇ ਸਰਵਪੱਖੀ ਵਿਕਾਸ ਅਤੇ ਕਦਰਾਂ-ਕੀਮਤਾਂ ਲਈ ਨਿਰੰਤਰ ਯਤਨ ਕਰਦਾ ਰਿਹਾ ਹੈ ਅਤੇ ਕਰਦਾ ਰਹੇਗਾ। ਇਸ ਯਾਤਰਾ ਵਿੱਚ ਬੱਚਿਆਂ ਅਤੇ ਅਧਿਆਪਕਾਂ ਨੇ ਖੂਬ ਆਨੰਦ ਮਾਣਿਆ ਅਤੇ ਕੁਦਰਤ ਬਾਰੇ ਜਾਣਿਆ। ਇਸ ਯਾਤਰਾ ਦੀ ਸਫਲਤਾ ਦਾ ਸਿਹਰਾ ਬਾਲ ਵਾਟਿਕਾ ਦੇ ਸਮੂਹ ਸਟਾਫ ਨੂੰ ਜਾਂਦਾ ਹੈ |